SHILLONG: Meghalaya-o sak 50 social worker me·chikrangna mikkangchi uamangni changa sapani-rangko jakkalangna man·a geospatial technology-ko jakkalani bidingo North Eastern Space Applications Centre (NESAC) skie on·anggen ine Robibar salo official aganaha. Geospatial Technology, nanggipa bosturangna, sofware-na on·anggen aro a·gilsakni kosako donggipani bidingo dingtangmancha biap baksana bakrimaniko data name dake mesokangna man·gipa ong·a. National Commission for Women (NCW) aro Rambhau Mhali Prabodhini (RMP) baksa apsan nangrime May ja bon·angachipak Umiam-o NESAC office-o salgnina training-ko ong·atgen. “Me·chik dilgiparangni songsalni neng·nikani-rangna kamrangko ka·ang-na Geo-Spatial technical skill-ko on·angna ian dingtangmanchagipa technic ong·a. Seolako man·-gipa me·chik dilgiparang sorkari institution-rango me·chik kam ka·gipa, NGO dilgiparang ong·telaigipa a·selrango, samtangtango donggipa bol waarango, salkarirangni dingtanganio aro a·a aro chirangko ripinganio register ka·-angna didiangna man·gen,” ine PTI-na official aganangaha. Satellite-rangoni nangchong-motgipa u·iatanirangko ma·siangani bidingo aro dingtang dingtang a·ba-rang jekai gama ge·ani, chi aro a·ako ripingo skie on·anggen aro chi, gama ge·anni, buring bolgrim, jila kaani, sam-tangtango donggipa-rangna ma·site aro agan-talate on·anggen, aro satellite-ni gita kobor-rango pangchake jedakgipa a·jarango civic mamla-rangnni giminba agantala-tanggen, ine ua aganaha. ISRO-ni gita dingtang dingtang chol on·gipa-rangni bidingo aro skie ra·anio ma·sina gita dake nianikoba me·chikrangna cholko on·gen.
