SHILLONG: Bay of Bengal-o ‘Remal’ balminduri balengani gimin ian salgrochipaknaba balbae, Meghalaya a·dokko man·chape salgro salaramni gipin a·dokrangoba nangchakeaniko man·naba gnang ine Indian Meteorological Department (IMD)-oni mikrakataniko on·ataha.
IMD-oni u·iatani gitade, Bay of Bengal-o ‘Remal’ balminduri balengani gimin Robibar attamonin a·bachenge Mongolbar salona kingking mikka jime waani cholrang donga.
Mikkarang jime waanganichi Assam, Meghalaya aro gipin a·dokni salgipeng jolrango chi banani cholrang donga ineba IMD-ni official-rang mikrakataniko on·angaha.
IMD-oni u·iatani gitade, Bay of Bengal-o ‘Remal’ balminduri balanichi May-ni 27 aro 28 tarikrango, Assam, Meghalaya, Arunachal Pradesh, Nagaland, Mizoram, Manipur aro Tripura a·dokni badiaba badiaba biaprango mikkarang waangnaba gnang indiba ia salgnini gisepo, Assam aro Meghalaya a·dokni badiaba badiaba biaprango mikkarang jime waangnaba gnang.
Ia salgnini gisepo Mizoram, Tripura, South Manipur, South Assam aro Meghalaya a·doko balwarangba aditan ta·rakangnaba gnang ine IMD-ni official-rang mikrakataniko on·angaha.
