Tuesday, July 23, 2024
spot_img

Tura aro Shillong LS seat-o susagipa sak 10 candidate-ni rasiko knal parakgen

Date:

Share post:

spot_img
spot_img

SHILLONG: Lok Sabha election-ni result-rangko knal Mongolbar salni bako parakna siengahani gimin Tura Lok Sabha constituency-o susagipa sakbri aro Shillong Lok Sabha seat-o susagipa sakdok candidate-rangni rasiko knalan ma·sina man·gnok.

Tura parliamentary constituency-o sakbri candidate-rang, chong·motan NPP-ni Agatha K Sangma, Congress dolni Saleng A Sangma, Trinamool Congress (TMC)-ni Zenith M Sangma aro Independent candidate Labenn Ch Marak susaahachim aro Shillong parliamentary constituency-o gimik sakdok candidate-rang, chong·motan Congress-ni Vincent H Pala, NPP-ni Ampareen Lyngdoh, VPP-ni Ricky Syngkon, RDA-ni Robertjune Kharjahrin, baksana Independent candidate sakgni susaangskaahachim.

Shillong parliamentary seat-o da·o dipet VPP dolni dilgiparang, lak 1-na batgipa vote-rangchi chena ka·dongengpn, Congress dolba batanggimin changgittamna ong·atanggipa Shillong Lok Sabha seat-o chegipa ong·ahani gimin ia changoba chepiltaina ka·dongenganiko parakskaaha.

Meghalaya a·doko MDA 2.0 sorkariko dilenggipa NPP-de ia election-oniko bang·e ka·dongjaenga ine parakskaaha aro UDP baksana HSPDP dolrangni nangrime bikotgipa Regional Democratic Alliance (RDA)-ba ia election-ko jeba chena man·aigen ine aganskaaha.

Shillong Lok Sabha seat-ko cheani bidingo kobor ra·timgipa manderang baksa agangrikengon, Shillong parliamentary constituency-ni dam 36 Assembly constituency-rangon manderangni chakpaanirangko nikmanahani gimin ia seat-ko chena ka·dongenga ine VPP-ni candidate Ricky Syngkon parakataha.

“Seokako man·genchimode manderangni bakrimanichi anga a·dokni namgnina kamrangko ka·anggen,” ine Syngkon aganaha.

RDA-ni candidate Robertjune Kharjahrin-ba manderangna dangdike on·na miksongani gnangsa politics-o napaha ine parakatskaaha.

Ia chang Lok Sabha election-o uko Shillong-ni manderang seokgenchimode ua MP ong·e man·a dipet manderangni namgninan kamrangko ka·anggen ineba Kharjahrin parakataha.

Indake ong·engon, Congress Legislature Party (CLP)-ni dilgipa Ronnie V Lyngdoh-ba ia election-o Shillong aro Tura seat damgnikon chena ka·dongenga ine parakatskaaha.

Tura Lok Sabha seat-ni bidingo janapatengon, NPP-ni dilgiparang an·tangtangan uamangni candidate chegenchimoba bang·gija vote-rangchisa cheaigen ine parakmanahani gimin ian Congress dolnan cholrang nambatenga ine Lyngdoh parakataha.

spot_img
spot_img

Related articles

Review of Income Tax Act announced in Union Budget

New Delhi, July 23: Finance Minister Nirmala Sitharaman announced a review of the Income Tax Act 1961 in...

Centre announces one crore houses for urban poor

New Delhi, July 23: Union Finance Minister Nirmala Sitharaman on Tuesday proposed an allocation of Rs 2.2 lakh...

Union Budget gives major push to job creation with focus on youth, women & farmers

New Delhi, July 23: Finance Minister Nirmala Sitharaman on Monday presented the Union Budget 2024 in Parliament on...

Assam, Sikkim among states to get flood devastation relief: FM Sitharaman

New Delhi, July 23: Finance Minister Nirmala Sitharaman announced financial assistance for the Himalayan states of Himachal Pradesh,...