Sunday, July 13, 2025
spot_img

Sorkari college-rangko State University-ni bak ong·atna manchianiko jegaltoka

Date:

Share post:

spot_imgspot_img

SHILLONG: Meghalaya a·doko donggipa dingtang dingtang sorkari college-rang aro sorkarini dakchake on·enggipa pilak college-rangkon Captain Williamson Sangma State University-ni ning·o ong·atna a·dok sorkarini manchianiko MDA sorkario bak ong·paenggipa United Democratic Party (UDP) baksana dingtang dingtang dingtang dolrangba jegalataha.

Iani bidingo kobor ra·timgipa manderang baksa agangrikengon, a·dokni college-rang, State University-ni ning·o ong·genma ma NEHU-on ong·kuaigenma, ukode college-rangni skani gitasa ong·na on·na nanga ine Opposition dolni dilgipa Ronnie V Lyngdoh parakataha.

Lyngdoh-ni aganani gitade, a·doko bang·bata college-rangan private college-rangsa ong·ani gimin sorkari gimik college-rangkode State University-ni ning·o ong·china drana man·jawa aro sorkari college-rangkosan drae State University-ni ning·o ong·atna man·aigenchim.

“A·dokni pilak college-rangkon State University-ni ning·o ong·atna draanide kraani ong·jaenga maina da·o dipet ia State University-ko a·bachengan a·bachengkujaengani gimin kamrang maikai ka·gen name ma·sikujaenga,” ine Opposition dolni dilgipa aganaha.

Apsan daken VPP-ni dilgipa Batskhem Myrboh-ba a·dokni college-rangko Captain Williamson Sangma State University-ni ning·o ong·atna miksonganiko jegalataha aro chong·mot a·selrangko name sandichengchina sorkariko didiataha.

A·dok gimikni college-rangko State University-ni ning·o ong·atna skang, pilak college-rang baksa agangrikchengsa ja·kurangko de·china gitaba ua didiataha.

A·dokni Chief Minister Conrad K Sangma, Education Minister Rakkam A Sangma aro senior IAS officer gimikan university-o skie nikujagijagiparangsan ong·aia ine janapatengon, university-rango kam ka·chenggija iandake college-rangko drae State University-ni ning·o ong·atna tik ka·aniara chanchigija kam ka·anisan ong·aia ine VPP-ni dilgipa matnangataha.

A·doko skanggipa State University-ko kuliengahani gimin UDP-ni general secretary Jemino Mawthoh, sorkariko mittelpilatskaengon, ia University-ko chu·gimik chalaina skang dingtang dingtang college-rang baksa name chanchirimchengchina gita a·dok sorkariko didiataha.

College-rangko ia State University-ni ning·o ong·atanichi college-rangna nangchakeaniko ra·banaba gnang ine janapatengon, ia State University-o pilak college-rangko bak ong·atna skang dingtang dingtang department-rangko songchengna nanggen aro kam ka·giparangba chu·ongchengna nanggen ine UDP-ni general secretary aganaha.

spot_imgspot_img

Related articles

Sorkari, kamtangko ka·na chu·sokjaode sakgipinna pakwatbo: VPP

SHILLONG: Voice of the People Party (VPP)-ni chief Ardent Miller Basaiawmoit, NPP-chi dilenggipa sorkariko kamtangko name dake ka·na...

Chokpot jolni neng·nikarangko namatna CSO, songni dilgiparang bakrima

SHILLONG: Ramani obostarang namjani bidingo, gipin jatrangko songrangona skatang napna on·engani bidingrango sorkariko nirokatchina gita Civil society organisation,...

Sitharaman, Meghalaya-ni $30 economy-ona sokna re·mikkanganio dakchakna agana

SHILLONG: Ma·mongni Finance Minister Nirmala Sitharaman, Meghalaya a·dokni Health sector-o namen tang·doaniko nike de·mittelaha. Mongsongbate Meghalaya-o Maternity Mortality...

Game ge·e cha·giparangko bilakdapatna IPDM training-ko ICAR-KVK ong·ata

TURA: ICAR - Krishi Vigyan Kendra (KVK), West Garo Hills, Dalu Block-ni Marapara songo NICRA project-ni ning·o method-ko...