SHILLONG: Ia chang Lok Sabha election-o National People’s Party (NPP)-ni candidate sakgnian, Shillong aro Tura Parliamentary constituency-rango amako man·ahaoba NPP-ni national president Conrad K Sangma, manderangni namnike seokaniko ra·chakangaha.
Shillong Lok Sabha constituency-o chegipa Voice of the People’s Party (VPP)-ni candidate Ricky AJ Syngkon aro Tura Lok Sabha constituency-o chegipa Indian National Congress (INC)-ni candidate Saleng A Sangma-naba ua an·tangni kusi ong·chakani aro namgipa skanirangko parakataha.
Tura-o INC-ni candidate Saleng Sangma, 3,83,919 vote-rangko man·e changgittamna Tura-ni MP ong·anggipa Agatha K Sangma-ko 1,55,241 vote-rangchi cheangaha aro Shillong-o VPP-ni candidate Ricky Syngkon, 5,68,000 vote-rangko man·e changgittamna MP ong·anggipa aro INC-ni candidate Vincent H Pala-ko 3,71,910 vote-rangchi amchepatskaahachim.