Sunday, July 21, 2024
spot_img

Shillong aro Tura LS seat-ni bang·bata constituency-rangon NPP amako man·a

Date:

Share post:

spot_img
spot_img

SHILLONG: Ia chang Lok Sabha election-o Meghalaya a·dokni Parliamentary constituency damgnion National People’s Party (NPP)-ni candidate-rang, bang·bata Assembly constituency-rangon amako man·aha.

Shillong Parliamentary constituency-ni ning·o dam 36 Assembly constituency-rang donga aro ia dam 36 constituency-rangoni damgniosan NPP-ni candidate Ampareen Lyngdoh, Voice of the People’s Party (VPP)-ni candidate Ricky AJ Syngkon-na bate vote-rangko man·aiaha aro apsan daken Tura Lok Sabha constituency-oba NPP-ni candidate Agatha K Sangma, gimik dam 24 Assembly constituency-rangoni damgniosan Indian National Congress (INC)-ni candidate Saleng A Sangma-na batna man·aiaha.

Tura Parliamentary Constituency-ni ning·o donggipa Ampati aro Mahendraganj Assembly constituency-osan NPP-ni candidate Agatha K Sangma, vote-rangko bang·bata man·aiaha aro bangki dam 22 Assembly constituency-rangkode INC-ni candidate Saleng A Sangma chegopangaha.

Ia election-o NPP-ni chu·sokna man·gijani gimin politics-ni gimin u·i-ma·sigipa manderang, hisapaniko janapatengon, ian BJP-ni bakrimaniko on·ani giminsan ong·aijaha indiba Reservation Policy-ko nipiltaina gita a·dokni Chief Minister Conrad K Sangma an·tangan parakahani giminsa ong·aha ine parakattokaha.

Garo Hills-o bang·a manderang aro dingtang dingtang dolrang, State Reservation Policy-ko taridapjachina dabitokengon, ia Reservation Policy-ko gital dake nipiltaina aganahani giminba Garo Hills-ni bang·bata manderangan ia election-o NPP-ni kosako pu·ontokaha ine uamang parakataha.

Shillong Lok Sabha constituency-o NPP-ni amako man·ahani gimin janapatskaengon, VPP-ni dilgipa Ardent Miller Basaiawmoit-ni okumu chake jingjengatani ja·man VPP-ni dilgiparang, dingtang dingtang bazaar antirangona re·e, NPP-chi dilenggipa MDA sorkariko tangka paisa jakkalsretanina matnangaha indiba NPP-ni dilgiparang, iani bidingo maming aganchakani ba talatanirangko on·jahani a·selba NPP-ni candidate amako man·aha ine ia election-ni result-ko hisape nigipa manderang parakataha.

spot_img
spot_img

Related articles

Over 3.86 lakh perform Amarnath Yatra in 22 days

Jammu, July 21 :Over 3.86 lakh devotees have performed the ongoing Amarnath Yatra so far as another batch...

TMC more violent than Left, should observe Introspection Day instead of Martyrs’ Day: BJP

New Delhi, July 21 : BJP spokesperson Shehzad Poonawalla on Sunday criticised the Trinamool Congress (TMC) for observing...

Bangladesh-o jachanggipa student-rangko rimbakuenga

SHILLONG: Bangladesh-o golmalrang ong·enganio Meghalaya a·dokoni aro gipin a·dokrangoni chatro chatrirang baksa rimba-pilaniko dakangkuenga aro Meghalaya a·dokni chatro...

Niamgri skigiparangko rakkiani mamlao matnangatgipa dolgipinrangba ra·gapila

TURA: West Garo Hills-o Rajabala Higher Secondary School-o niamgri skigiparangko rakkiani mamlao dolgipin jemangan Robibar salo matnangataniko dakaha...