Saturday, July 20, 2024
spot_img

PA Sangma Stadium-ko rikani bidingo sandirokchina ACHIK dabia

Date:

Share post:

spot_img
spot_img

TURA: Tura-ni Dakkopgre-o gital rikgipa PA Sangma Sports Complex-ni simako kadulgipa pakmarang da·o gnigipa changna be·wakangahani gimin ia stadium-ko rikani bidingo ta·raken inquiry-ko dakchina A·chik Conscious Holistically Integrated Krima (ACHIK) dol dabiangaha.

“Bilsisani gisepon ia stadium-ni pakmarang be·gruahani gimin ian ia stadium-ko rikanio sing·dona nanganirangko ong·kataha. Uni gimin ia stadium-ko rikani bidingo ta·raken inquiry-ko dakchina chinga dabienga,” ine ACHIK-ni dilgiparang parakataha.

ACHIK-ni president Thomas Marak-ni parakatani gitade, ia PA Sangma Sports Complex-ni mitam bakrangko 2022 bilsini December jaosan nokdonggaahachim indiba a·bachengonin ia stadium-ko rikanii chu·onggijanirangko nikna man·ahachim.

“Ia sports complex-ko gong kror 127.7 koros ong·e rikahaoba da·onan ia stadium-ko mangrake rikna man·kujaenga aro kamrang matchotgija bang·en dongkuenga. Ia stadium-ni pakmarang be·gruaniara manderangna naljokaniko on·na man·gijaniko mesokaniba ong·enga,” ine Marak parakataha.

Indake ong·engon, ia stadium-ko rikani bidingo ta·raken inquiry-ko dakchina aro mikkangchi iandakgipa a·selrang ong·taijana gita ja·kurangko de·china ACHIK dol, a·dok sorkariko didiataha.

spot_img
spot_img

Related articles

India romp to seven-wicket win over Pakistan in Women’s Asia Cup

Dambulla, July 19: Contenders India started their Women’s T20 Asia Cup title defence on a rousing note, demolishing...

HC-ni rai, sak 1,300 MeECL worker-rangna namgni ong·gnok

SHILLONG: ‘Equal pay for equal work’ ba apsan kamna apsan dormahako on·na nanga ine Meghalaya High Court-ni adita...

4th Teachers, CM-naba memorandum-ko on·a

TURA: 4th Teachers association Education Minister Rakkam A Sangma aro State Education Commission-ni Secretary Ambrose Ch Marak- uamangko...

CM-CONNECT, administration-ko manderangona sepangbatatgen: CM

Shillong: Chief Minister Conrad K Sangma, mijal Sukrobar salo CM-CONNECT-ni gita Ri Bhoi District-ni Bhoirymbong Block-ni manderang baksa...