New Delhi: (IANS) Da·al Robibar salo Prime Minister Narendra Modi aro uni Cabinet, Rashtrapati Bhawan-o ku·mikchetgen. Mijaomangmang matchotanggipa Lok Sabha election-o BJP aro unbaksa bakrimgipa dolrang bang·e seat-rangko man·aha. Indake NDA changsatai sorkariko rikna a·kangaha. PM Modi-ko ia changba NDA Parliamentary party-ni dilgipa seokaha. Narendra Modi, gittamgipa changna Prime Minister ong·taignok. Minggipin PM Modi-ni ku·mikchetaniona India-ni songsul aro Indian Ocean region-oniba bak ra·na re·batokenga.
Ku·mikchetaona bak ra·na sokbagiparangara- Sri Lankan President Ranil Wickremesinghe, Maldives President Mohamed Muizzu, Seychelles Vice President Ahmed Afif, Bangladesh Prime Minister Sheikh Hasina, Mauritius Prime Minister Pravind Kumar Jugnauth, Nepal PM Pushpa Kamal Dahal ‘Prachanda’ aro Bhutan PM Tshering Tobgay aro gipinrang donggen.
Chu·gimik kobor jak gittamo.
