Saturday, July 20, 2024
spot_img

Khasi-Jaintia aro Garorangna 90%-ko apsan chamgopchina KSU didia

Date:

Share post:

spot_img
spot_img

SHILLONG: State Reservation Policy-ko nipiltaianio dingtang dingtang dolrang, Expert Committee-na ku·pattianirangko on·engon, Khasi-Jaintia-rangna 50% aro Garorangna 40% dabianiko ra·galskaenba, Khasi-Jaintia aro Garorangna apsan 90%-ko chamgopskachina Khasi Students Union (KSU) didiangaha.

Iani bidingo Reservation Policy-ni Expert Committee-na sedoatengon, Khasi-Jaintia aro Garorangna chu·gimik 90 percent-ko apsan chamgopgenchimode Garo Hills-o jeon Khasi-Jaintia candidate-rang kamna galgiparang dongjawa, unode Garorang 90 percent quota-kon ra·na man·aigen aro Khasi Jaintia-rangba Khasi aro Jaintia Hills a·jarango, Garo candidate-rang kamna galgipa dongjaode chu·gimik 90 percent-kon ra·na man·aigen ine KSU-ni general secretary Donald V Thabah parakataha.

“Kamna candidate-rangko seokengon, skanggipa a·jao songdongkamgipa candidate-rangnasa cholko on·china gitaba chinga didienga. Iandake a·jatangni candidate-na cholko on·chenggenchimode kam apjitna nangani dongjawa,” ine Thabah parakataha.

2011 bilsini Census-o pangchake Meghalaya a·doko Khasi-Jaintiarang lak 14.1 aro Garorang lak 8.21 donga ine janapatengon, Khasi-Jaintiarangni mande jelbra jelsuanio batanian pilak jatrangna apsan cholko on·na nangani aro State Reservation Policy-ko nipiltaina nanganiko mesokani ong·a ine KSU-ni general secretary parakataha.

Andhra Pradesh a·doko a·doktangni ST candidate-rangna skigipani kamko chu·gimik chamna gita 2022 bilsini January jao Andhra sorkarini u·iatgipani bidingo toe janapatengon, apsan daken Khasi-Jaintia Hills a·jarango Khasi-Jaintia candidate-rangna aro Garo Hills-o Garo candidate-rangna kamrangko chamna nanga ine Thabah didiangaha.

spot_img
spot_img

Related articles

IIM Shillong enrols 400 students for 17th PGP batch

SHILLONG, July 19: The IIM Shillong recently enrolled 400 candidates for its 17th batch of Post Graduate Programme...

M’laya bankers oppose bid to ‘privatise’ PSBs

SHILLONG, July 19: The All India Bank Officers Confederation (AIBOC), Meghalaya unit, on Friday strongly opposed any move...

NGH village residents allege use of rusted pipes for JJM project

TURA, July 19: Locals, along with the Nokma of Menadoba village in North Garo Hills and presidents and...

Online trolling of women draws ire of ex-MSCW leader, GH groups

TURA, July 19: Members of Mothers’ Union and Mothers’ Federation as well as former Meghalaya State Commission for...