AMPATI: New Criminal Laws ba ong·gija dakgipa kamrangko champengna gital niamrangko ra·gatna siengahani gimin Bristibar aro Sukrobar salrango salgnina, South West Garo Hills a·jao dingtang dingtang official-rangna ‘New Criminal Code’-ni bidingo training program-ko Ampati-ni DRDA Conference Hall-o ong·atangaha.
Ia training program-ko ong·atanio, South West Garo Hills a·jani magistrate-rang, Social Welfare department, Police department-ni official-rang, ukilrang aro ia gital niamrangko ra·gatanio bak ong·enggipa dingtang dingtang department-rangba bak ra·angtokaha.
Ia training program-ko ong·atanio Law department-ni Law Officer Marientina K Marak, mongsonggipa skigipa ong·e bak ra·angaha aro unbaksana SWGH a·jani Public Prosecutor Tengsrang M Sangma, aro Deputy Superintendent of Police (DSP) Ravi K Sangma-ba dingtang dingtang subject-ni bidingo official-rangna agan-talate on·angaha.
Ia program-na skang dingtangmancha South West Garo Hills a·jani police officer-rangna training program-ko Ampati-ni SP office aro Circuit House-o ong·atangaha. Ia training program-o Police Department-ni Master Trainer-rang, jemangan North Eastern Police Academy-o antignina skie ra·baahachim, police officer-rangna salgnina skie on·angskaaha.
SWGH-ni official-rangna ‘New Criminal Code’-rangni bidingo skie on·a
Date:
Share post:
