Sunday, August 31, 2025
spot_img

Bernard, bypoll-o chakatna tarie donga

Date:

Share post:

spot_imgspot_img

SHILLONG: State BJP vice president aro Tura MDC, Bernard N Marak, Sonibar salo kobor ra·timgiparang baksa agangrikmitingo, ‘BJP state-ni dilgiparang, bikon Gambagre by poll-o chakatatna namnikenga ine parakataha, indiba bon·kamaode central ba ma·mongoni dilgiparangni chanchia gitasa ong·aigen ine aganaha.
“Dilgiparang, angkon candidate songna namniktokenga aro anga an·tangba susana sikgen indiba ma·mongni dilgiparangni chanchia gitasa ong·aigen. Uamang angko election-ko chakatna kragipa ine nikode anga susana tarie donga, ine Marak, The Shillong Times-na aganaha.
Uandake bypoll-o BJP chegenma chejawani gimin sing·aon, Marak, indine aganaha, “Anga jedakgipa ra·bianiko dakna-ka·na tarie dongkamgipa ong·a. Bebe gita Saleng, candidate-ko basea ong·ode Deborah Marak ong·naba gnang. NPP-oni CM-ni jikgipa ba James Sangma aro TMC-ni Zenith ba uni jikgipa – uamang susaa ong·ode susaani namen dal·gen aro anga an·tangde saksa chongipa aro gital dilgipasan ong·aia.”
BJP-ko jat basee kam ka·anina matnangani gimin sing·aon Marak, indine aganangkuaha, “BJP, maming saloba jat basee kam ka·ja indiba CAA,  UCC – ko ra·bana aganronga, ian general regulation-o ga·aka, jean Meghalaya-o nangchaka, indiba ian sixth schedule area-o ga·aka.”
“Anga chanchia gimik dilgiparangan sixth schedule-ni niamko gualahakon uni giminsa an·tangba jajaenga aro sakgipinrangkoba jajaatenga aro manderangko kenatenga. BJP, Hindu toromko ba gipin toromko ra·doatjaenga. Anga batanggimin bilsi 10-oni BJP baksa ong·a, angni nikanio BJP jat basee kam ka·gipa ong·ja ineba Marak aganaha.”
Uandake anga saksa kakketgipa Christian ong·a aro BJP-ni jat aro torom basee kam ka·aniko mikrontangchi nikode angan skanggipa iana chakatchenggen. Iana skangba angan matchu be·enko cha·na champengatani somoioba kamoni ong·katna lekkako on·aha ine Marak aganaha.

spot_imgspot_img

Related articles

Focused on securing WC spot: Salima Tete ahead of Asia Cup

Bengaluru, Aug 30: Skipper Salima Tete said the Indian women’s hockey team is determined to “secure a spot...

Mehak Sharma wins silver, Lovepreet Singh bags bronze

Ahmedabad, Aug 30: India’s Mehak Sharma won a silver medal in women’s +86kg category while Lovepreet Singh settled...

Govt keen to make India sports goods manufacturing hub: Mandaviya

New Delhi, Aug 30: India will roll out a dedicated sports goods manufacturing policy by the end of...

Absence of Koreans takes sheen off inaugural Archery Premier League

Kolkata, Aug 30: There will be no South Korean participation in the inaugural Archery Premier League, denying Indian...