Tuesday, July 16, 2024
spot_img

Ding·chaogrikaniko ra·bana jotton ka·a ine Edu Minister-ni kosako VPP, FIR ka·na tik ka·a

Date:

Share post:

spot_img
spot_img

SHILLONG: Meghalaya a·doko songdongenggipa Khasi aro Garorangni gisepo ding·chaogrikaniko ra·bana jotton ka·aha ine matnangenba, a·dokni Education Minister Rakkam A Sangma-ni kosako Voice of the People’s Party (VPP), FIR ka·na manchiangaha.

Adita salrangna skang, Lok Sabha election-na campaign ka·engmiting somoi, Meghalaya a·doko VPP bilona re·bagenchimode A·chikrangko a·rikgal jotton ka·gen ine Education Minister-ni agangipa video-ko social media-oniko niksoani ja·man Education Minister-ni kosako VPP-ni dilgiparang, FIR ka·na tik ka·angaha.

Social media-o giproroenggipa video kakket ong·bebegenchimode, ua (Rakkam) an·tangni kamkosan wataigija niamo pangchake sastiko man·na nanggen ine VPP-ni dilgiparang parakataha.

Ia video-ko uamang nikmanaha ine janapatengon, “Rakkam-ni kosako matnanganirang baditana kingking kakket ong·a chinga name am·sandina man·kujaenga indiba ian kakket ong·bebegenchimode ua saksa minister ong·e jatgnini kosako ding·chaogrikaniko ra·bana iandakgipa kattarangko agananiara namen kragijani ong·gen. Ian ong·na kragijanisan ong·aija indiba dosko dakgipani kamko ka·aniba ong·enga,” ine VPP-ni ku·wattimgipa Batskhem Myrboh parakataha.

Ia video baditana kingking kakket ong·a da·o dipet uamang aganna man·kujaenga ine janapatskaengon, “Chinga iani bidingo FIR ka·na tik ka·angaha aro darangnaba mikkang niteani gri ba kenani gri am·sandichina gita nangnikenga,” ine Myrboh aganaha.

Sangma an·tangan ia kattarangko aganaha ine sakkiko man·genchimode a·doko ding·chaogrikaniko ra·bana jotton ka·ahani gimin ua an·tangan kamtangko watna nanggen ineba VPP-ni ku·wattimgipa aganaha.

VPP-ko jatsanasan mikkang nitegipa dol ine changni chang matnangna jotton ka·aha ine gisik ra·atpilaniko on·angengon, badiaba political dolrang, VPP-ni dilgiparangko banoba iandake agananirangko ba seanirangko ba video-rangoniko nikahama ine Myrboh sing·doataha.

“VPP-ko jatsana mikkang nitegipa ine matnangenggipa manderang an·tangtangan jatsana mikkang nitegiparang ong·a aro iani giminsa uamang iandake VPP-ni kosako tol·e matnanganirangko dakenga,” ine ua aganaha.

VPP dolde pilak Tribal manderangni bilna dakgrikgipa dolsa ong·a indiba apsan somoion India a·songo aro Meghalaya a·doko songdongenggipa gipin manderangni bilrangkoba mande ra·gipa ong·a ineba ua aganaha.

spot_img
spot_img

Related articles

AJP slams Assam govt’s directive to border cops on immigrants

Guwahati, July 16: Regional party Assam Jatiya Parishad (AJP) has voiced concern over the Assam government’s recent directive...

Kylian Mbappe unveiled as Real Madrid player at Santiago Bernabeu

Madrid, July 16: The day that all Real Madrid fans have yearned for is finally here as Kylian...

Metsola re-elected European Parliament President

Paris, July 16: Maltese politician Roberta Metsola was on Tuesday re-elected as President of the European Parliament until...

Boost to Aatmanirbharta: Govt releases new list of 346 indigenous defence items

New Delhi, July 16: The Ministry of Defence has notified the fifth Positive Indigenisation List (PIL) consisting 346...