SHILLONG: Jadokni gisepon Gambegre Assembly constituency-ni by-election-ko ong·atna nangengon da·o dipet Congress dolni gita ia by-election-na candidate-ko seokkujaenga.
Congress doloni koborko on·ani gitade, candidate-ko seokna gita Congress dolo niamrang donga aro jeba party tikitna dorgastoko galna man·aigen.
“Somoi sokahaon, District Block Congress Committee aro Block Congress Committee, an·tangtangni ku·pattianirangko on·anggen aro uandaken bon·kamao candidate-ko All India Congress Committee (AICC)-sa tik ka·anggen,” ine Congress doloni kobor on·timgiparang parakataha.
Ia bilsini Lok Sabha election-o Congress dolni candidate Saleng A Sangma, Tura Lok Sabha constituency-oni cheenba, Gambegre constituency-ni MLA ong·aniko watangahani gimin Gambegre Assembly constituency-ni by-election-ko jadokni gisepon ong·atna nangengachim.
Indake ong·engon, National People’s Party (NPP)-ni gitade, Gambegre by-election-na Chief Minister Conrad K Sangma-ni jikgipa Mehtab Chandee aro Conrad-ni adatang James K Sangma-ko susaatani cholrang dongenga ine kobor on·aha.
Koborko man·soani gitade, ia by-election-o a·dokni gitcham Cabinet Minister James K Sangma-ni pal Chief Minister-ni jikgipa Mehtab Chandee-kon susaatna gita NPP-ni dilgiparang namnikbattokenga.
BJP dolba ia Gambegre by-election-o Tura-ni MDC aro BJP-ni state vice president Bernard N Marak-ko susaatna nangniktokenga ine kobor on·aha.