SHILLONG: Meghalaya a·doko Scheduled Tribe (ST) certificate-rangko on·ani bidingo office memorandum-ko on·na gita a·dok sorkari, damgittam autonomous district council (ADC)-rangni chanchianiko ra·na tik ka·angaha.
Iani bidingo u·iataniko on·na skang a·dokni damgittam ADC-rang baksana a·dok sorkari, District Council Affairs (DCA) department aro Law department-ni chanchianirangkoba ra·na tik ka·angaha.
ST certificate-rangko on·ani bidingo aro Khasi Hills Autonomous District Council (KHADC)-ni pass ka·gipa Lineage Act-o nangchakeani bidingo a·dokni Cabinet, re·anggipa Budbar salo tom·e chanchirimangani ja·man, a·dokni damgittam ADC baksana DCA aro Law department-rangni chanchianirangko ra·chengna tik ka·angaha.
ST aro a·ani certificate-rangko on·anio nangchakegipa kamrangko ka·anio apsan ong·na nangengani gimin ia tom·anio Cabinet chanchirimangaha.
Social Welfare Department-ni on·gipa office memorandum-ara KHADC Act-osan nangchakeaiani gimin a·dok sorkari iano gipin damgni district council-rangkoba man·chapna tik ka·angaha.
Da·o dipet JHADC-de Lineage Act-ko tarikujaengoba GHADC-de iandakgipa niamko ra·gatna kamrangko ka·engahachim.
