SHILLONG: NCPCR-ni Chairperson, Priyank kanoongo, jean RSS aro BJP-ni kamko namnikgipa ong·a, uan Meghalaya-o Madrassas dongani gimin mikrakataniko on·aha.
Data-o nikna man·ani gita Meghalaya-o Madrassas donga, iani bidingo chinga daitoko jako ra·e kam ka·gipa department-na u·iataha. Aro Madrassas-ko sandie gimik bi·sarangko school-o biming segatna mol·molaha ine Priyank aganaha.
Ampati-o Madrassas donga ine nikna man·aha aro a·dok sorkari iani gimin u·ija.
Madrassas-ara school-sa religious ba toromni gita kuligipa institution ong·ja. Madrassas-o poraigipa saksa bi·sa baksa anga agangrikaon ua janggi tanganio maming profession ba janggi tangna kam ka·e cha·na miksongja indiba janggi bon·ani ja·man maidakgipa bichalko chagronggen iani giminsa tarisoenga inesa aganaha ine Kanoongo aganaha.
“Ian chanchina nanggipa katta ong·a uni gimin a·dok sorkariko gimik Madrassas-ko survey ka·china mol·molaha aro bi·sarangko school-ona biming segatskachina mol·molangkuaha.”
