SHILLONG: West Garo Hills a·jani Dadenggre jolo donggipa Lower Teksragre songo me·chik saksako baditaba sak manderangni ka·saninggija dake dokanina Meghalaya State Commission for Women (MSCW) raken jegalataha.
MSCW-oni koborko on·atani gitade, ia a·selni bidingo koborko man·soani ja·man commission-ni vice chairperson, Budbar attamo, West Garo Hills a·jani Superintendent of Police (SP)-ko gronge, ia a·selni bidingo sing·sandianirangko dakeaha aro ia a·sel ong·anio jak donggipa manderangko police-rang rim·aha ine MSCW-ni dilgipana u·iataha.
Ia a·selni bidingo MSCW-ni dilgiparang, doka man·gipa me·chik aro uni nokdangko grongena gita sienga ineba Commission-oni u·iataha.
Doka man·gipa me·chikko gronge sing·sandiani ja·man MSCW-ni gita niamo pangchake ja·kurangko de·angkugen ineba parakataha.