SHILLONG: A·doko BJP-ni kosako chakate, election-o susae cheatako man·gipa VPP, Butbar salo Lok Sabha Speaker-ko seokna puonatanio, NDA-ni susaatgipa Om Birla-na puonaha ine adita national media-rango parakatani ja·mano, VPP-ni kosako Songjinmao ding·chaoanirang ong·angaha.
Lok Sabha Speaker-na vote puonatanio VPP-ba, NDA nominee-na puonaha ine ge·sa nationa media- newsLok-o mesokatahachim.
Uni ja·mano ua koborko screenshot ka·e giproroatna a·bachengaha, jeon social mediao giproroaniko VPP dilgiparang jechaktokenga.
Re·anggipa Lok Sabha election-na campaign ka·miting somoiorango BJP aro NDA-ni kosako matnangdame aganchimoba Lok Sabha Speaker-na election ong·atanio VPP MP-ni puongija dongna am·ani giminan adita jingjenganirangde ong·soengahachim.
Unomitingo VPP president, Ardent M Basaiawmoit uni an·tangni social media parakataha je, ma·mongo sason ka·enggipa party, opposition-na Deputy Speaker-ko on·na chanchiengani gimin Congress party, NDA nominee-nan chakpana skaniko parakaha.
“Iakora chingara BJP-na chakpagipa ine aganna man·genma?” ua sing·doaha.
Ian Speaker-ni post-na election ong·atenga, je post-nan jinmani namnikgipa candidate-ko am·a. Unigisepon NDA aro India Bloc dolgnian meligrikna man·jaha, unigiminsa Speaker-na election ong·atao bak ra·jana chanchiahachim ine Basaiawmoit aganaha.
“Unbaksana, iani bidingo India Bloc an·tangtangarin ku·cholsan ong·na man·jaha ine nikaha, jeon uamangni seokgipa candidate-ni bidingo bakrimgipa dolrang baksa agangrikanirangba dongjaha,” ua aganaha.
“Chinga cha·minokgiparang ong·ja, jedakgipa obostaoba chinga chingni manderangko cha·bokjawa” ine Basaiawmoit ge·gipin social media post-o parakataha.
Unomitingo VPP-ni kobor on·timgipa Batskhem Myrboh-ba, VPP mamingsaloba BJP baksa bakrimjawa ine uni social media-o parakataha aro tol·gipa koborko on·aha ine ua national media-ko matnange aganaha.
LS Speaker-ko seokanio NDA candidate-na puona ine VPP-ni kosako jingjengtoka
Date:
Share post:
