WILLIAMNAGAR: Sukrobar salo, East Garo Hills a·jani District Social Welfare Office-ni gita International Day Against Drug Abuse & Illicit Trafficking-ko Williamnagar-ni DRDA Hall-I-o manidilangaha aro ia salko manianio, East Garo Hills a·jani Deputy Commissioner Vibhor Aggarwal, mongsonggipa sokgipa ong·e bak ra·angaha.
Ia program-ko ong·atanio, East Garo Hills a·jani Deputy Commissioner, jinmana aganprakangengon, pekatgipa samrangko jakkalanichi mandena namgijaniko ra·bana man·a ine janapatenba, pekatgipa bosturangoni chel·e dongchina chadamberangko didiangaha.
Ia tom·anio rimchaksoani kattarangko East Garo Hills a·jani District Social Welfare Officer Madonna T Sangma aganangaha aro mittelpilani kattarangko Rongjeng-ni CDPO Ivan R Marak aganangskaaha.
Ia program-ko ong·atanio dongpae jinmana aganprakanggipa gipin manderangara, DSP (Crime) Subir Sangma, Neuro Psychiatrist aro Counsellor Dr IC Marak, DLSA-ni PN Sangma aro gipinrang ong·a.
Ia salko maniani bak gita dingtangmancha chadamberangna katsusaani aro skulo poraienggipa bi·sarangna poster salsusaanikoba ong·atangaha.
