SHILLONG: Sukrobar attamo, a·dokni Information & Public Relations (I&PR) Minister Ampareen Lyngdoh, MeghalayaPost.News minggipa gital digital news website-ko Nongpoh Circuit House-o a·bachengate on·angaha.
Ia news website-ko Ri Bhoi a·jani journalist-rang nangrime kuliaha aro Ri Bhoi a·jani saksa senior journalist Cornelius Laloo-ni parakatani gitade, manderangna gital koborrangko on·na man·na gita Ri Bhoi a·jani journalist-rang nangrime ia news website-ko kuliaha.
Ia www.meghalayapost.news website-na agreba manderang, Instagram, X aro Facebook gita dakgipa social media-rango koborrangko nisona man·gen ineba Laloo parakataha.
Ia news website-ko a·bachengate on·anganio Nongpoh-ni MLA Mayralborn Syiem, Mawhati-ni MLA Charles Marngar, Nongpoh-ni MDC Balajied Rani, FKJGP-ni president Dundee Cliff Khongsit, HANM-ni president Lamphrang Kharbani aro gipinrangba dongpae bak ra·angtokaha.
Ia tom·anio a·dokni I&PR Minister, jinmana aganprakangengon, ia gital news website-ko kuliahani gimin Cornelius Laloo aro gipin journalist-rangko mittelpilangenba, ia sal somoirango tol·gipa koborrangko watanirang batroroengani gimin an·tangni suk ong·gijaniko parakangaha.
Manderangko dilsretjana gita koborrangko on·na skang name am·sandichengchina aro pangnan kakket koborrangkosa manderangna on·china gitaba Lyngdoh, journalist-rangkon didiangaha.
