AMPATI: South West Garo Hills a·jani Kumligaon songo Polan Koch minggipa mande saksa na·tok rim·engmiting somoio nikronggijagipa na·tok mangsako man·aha.
Batanggimin salrangonin mikkarang jimbee waanganichi South West Garo Hills a·jaoba chi bananirangko nikna man·ahachim aro uandaken chi banengmiting somoio songni manderang na·tok rim·engmitingo songni mande saksa, ia nikronggijagipa na·tok mangsako man·aha.
Ia na·tokara Magur doloni ong·achim aro ia na·tokni bimang gipinrangoni namen dingtangachim.
Da·o ka·sinsin ia songrango chi bananirang komiangroroengon, songni manderang iandakgipa na·tokrangko man·na ka·donge rim·anirangko nikna man·engaha.
