Thursday, July 17, 2025
spot_img

GH-o chi bananirangko champengna maming ja·kurangko de·ja ine Tura MP, a·dok aro ma·mong sorkariko matnanga

Date:

Share post:

spot_imgspot_img

SHILLONG: Bilsiantian Garo Hills-o chi bananirangchi manderang neng·nikanirangko chagrongna nangengoba chi bananirangko champengna maming pangkamgipa ja·ku de·anirang dongjaenga ine Sukrobar salo, Tura-ni gital MP Saleng Sangma, a·dok aro ma·mong sorkarirangko matnangataha.

Iani bidingo kobor ra·timgipa manderang baksa agangrikengon, bilsiantian Garo Hills-ni a·kawe jolrango chirang banenga indiba chi bananirangko champengna gita a·dok sorkari maming ja·kurangko de·jaenga ine Sangma parakataha.

“Chi bananiko champengna gita ma·mong sorkarioniba maming project-rangko ra·gatanirang dongja ine anga an·tangde nikenga. Chi bananirangko champengna gita pangkamgipa cholrangko ra·gatna nangchongmotenga,” ine ua aganaha.

Garo Hills-ni a·kawe jolrango chi bananichi 30,000-mangni gita nokdangrang neng·nikanirangko chagrongna nangtokengani gimin Tura-ni MP, ia kattarangko aganaha.

Indake ong·engon, Garo Hills-o chi banani aro dingtang dingtang kamrangni bidingo ua Parliament-o ku·rangko on·gen ineba Sangma parakataha.

Garo Hills-o bang·bata manderangan game ge·e cha·giparangsa ong·a ine janapatengon, Garo Hills-o da·onan gama ge·ani karkanarang ge·saba dongkuja aro Baljek airport-ko nokdonggaoni da·o baditaba bilsirang ong·pilengahaoba ia airport-ko da·onan chalaina man·chipkujaenga ine Tura MP parakataha.

Rel garirangni gimin janapatskaengon, rel garirangko Garo Hills-ni pilak biaprangona sokatani pal da·onan Garo Hills-ni simaosa donenga ine Sangma aganaha.

“Garo Hills-o an·ching namkala skul aro college-rangba dongkujani gimin chatro chatrirang, gipin a·dok aro gipin a·songrangonasa re·ange poraitokenga,” ine ua aganaha.

Inner Line Permit (ILP) aro Khasi-Garo ku·sikrangko Eighth Schedule-o chapatna dabianirangko chu·sokatkujaengani gimin sing·on, iani bidingo North East MP Forum-ni gita chanchimanaha aro ia dabianirangko chu·sokatna salgro salaramni MP-rang ku·cholsan kam ka·gen ine Tura MP parakataha.

“Iani bidingo anga an·tangba chol man·ode Parliament-o ku·rang on·gen,” ine Sangma aganaha.

spot_imgspot_img

Related articles

Kharge, Rahul urge Centre to bring legislation to restore J&K statehood

New Delhi, July 16: Congress leaders Mallikarjun Kharge and Rahul Gandhi on Wednesday wrote to Prime Minister Narendra...

MDA, tangkarangko nanga nangjana jakkalsretenga: VPP

SHILLONG: Manderangni tangkarangko nanggijagipa rika cho·ani kamrangna jakkalanichi indin koros ong·ata ine NPP-ni MDA sorkariko Butbar salo Voice...

Gipin biaprango poraina am·enggipa bi·sarangna SOP-ko sorkari ra·baenga

SHILLONG: Bi·sarang jemangan gipin biaprango poraina re·angna miksongenggiparangna SOP baksa a·dok sorkari ra·baenga. State Commission for Protection of Child...

Brian Lara and Viv Richards to help beleaguered West Indies team

Cricket West Indies will call upon batting royalty Clive Lloyd, Vivian Richards and Brian Lara to help dissect...