TURA: Political dilgiparang aro mitam block official-rangna gamna nanga ine songrango kamrangko ka·atna gita bosturangna chamatgipa tangka paisarangoniko 50% kode NGREGA-ni bosturangko sokate on·giparang aro palgipa botgiparang songni-nokni manderangoniko ra·rikenga ine BJP dilgipa aro Tura MDC Bernard Marak mijalo matnange aganaha.
“Ian Garo Hills-ni C&RD Block-rango niksengpilgipa kamrang ong·a. Bosturangko ra·rone on·giparangoni mitamni aganani gitade, political dilgiparangna aro mitampak official-rangna on·na nanga inenba chamatgimin tangka-paisarangonikon mitamko katirikenga. Uni a·selan bang·a songrangon kamrangko somoi gita matchotatna man·tokjaenga” ineba Marak a·kange aganaha.
Unomitingo, bosturangko ra·bae on·giparangoni ba palgipa botgiparangoni jemangan uamangoniko 50 – 60% tangkarangko katirikengachim, bakbakan uni office-ona re·bae aganebo, uamangko cha·bokgiparangni kosako FIR ka·gen ineba ua aganaha.
“Ia indakgipa cha·boke cha·enggipa kamrangko chinga CM office aro Deputy Commissioner-rangna u·iatgen,” ua aganaha.
Manderangni man·gniko political dilgiparangna ra·rone on·enga: Bernard
Date:
Share post:
