SHILLONG: Meghalaya a·doko BJP-ni dilgiparang aro membor-rang meligrikna man·jaenga ine agananiko BJP-ni state spokesperson M Kharkrang jegalataha.
BJP president-ni kosako adita salrangna skang, Garo Hills-oni mitam BJP dilgiparang suk ong·gijaniko paraktokahani gimin ua ia kattarangko aganaha.
BJP-ni Meghalaya in-charge M Chuba Ao-ni kosako Garo Hills-ni mitam dilgiparang badi ka·doangani ja·man ma·mongni dilgiparang, uni biapo gipin dilgipako songe on·skaahachim ineba nikna man·a.
A·doko BJP-ni membor-rang meligrikna man·jaenga ine agananiko jegalatengon, “Da·o dipet party-ni gisepo maming meligrikgijanirang dongja indiba mitam dilgiparang an·tangtang suk ong·jae doloni ong·katna sikenga aro iandake ma·sisretanirangko ra·baenga,” ine Kharkrang aganenba, BJP-ni gisepo maiba ma·sisretgrikanirang donggenchimoba pangnan party-ni gisepon agangrikanichi namatna jotton ka·ronga ine talataniko on·angaha.
