TURA: All Meghalaya 4th Teachers Association Garo Hills Unit, Education Minister Rakkam A Sangma aro Education comission secretary A. Ch Marak-ko Secretariat-o grongaha.
Association, memo-o indake janapataha, 4th Teacher-rang uamangni kamrangko ,neng·takpilgija ka·angenga aro uamangni gamchatgipa somoirangko aro bilrangko songsalni namgnina on·gilangenga indiba uamangni service-rangko regularise ka·kuja.
Meghalaya a·doko 4th Teacher-rang sak 1521 skigiparang donga aro uamangni service-ko ruuta somoionin ka·engaha, uamangoni mitamrangde bilsi bripilengaha aro gipin kamrangna galna maming cholan dongjaha uni gimin 4th Teacher-ni delegate-rang Education Minister Rakkam A Sangma aro Education Commission secretary A. Ch Marak-ko CM baksa iani bidingo agangrikpachina mol·molangaha.
Dormaha-ko chu·onggija on·ani bidingo Association delegate-rang chansatai mol·molangaha, ian serikanio donga jean 2013 bilsini April 1 tariko Education department 4th Teacher-na dormahako tangka gong 3000-oni 6000-ona baridapataha, changsatai 2017 bilsini January 1 tariko Education department, tangka gong 6000-oniko 12,000-ona bariatapaha, changsatai 2022 bilsini July 1 tangka gong 12,000-oni 18,000-ona baridapataha, indiba 4th Teacher-rangni dormaha gipin UP Teacher-rang jekai SSA Assistant Teacher aro Adhoc UP Teacher-ni dormaha-rangko tosusae niatode apsangrik ba kragijagipa ong·enga, uni gimin 4th Teacher-rang a·dok sorkari baksa kusi ong·jaenga. Meghalaya a·doko 4th Teachers sak 1521 skigiparangna ta·rake ja·ku de·chinaba mol·molangaha.
Constitution-ni Article 14 jeon apsangrik ong·ani bilko niamo on·a aro jedakgipa chonikani ba on·chepani kosako chel·chakna aro dormaha, kam ka·giparangni tangka man·gnini bidingo apsangipa cholrangko on·a uni gimin apsan kam ka·giparangna apsan tangka paisarangko on·a nanga, a·doko gimik dakgipa gadangni skigiparangni namgnina a·doko Special MTET-ko ong·atchina Association, Minister-ko mol·molangaha.
4th Teachers Association Garo Hills Unit, Education Minister-ko gronga
Date:
Share post:
