Shillong: Chief Minister Conrad K Sangma, mijal Sukrobar salo CM-CONNECT-ni gita Ri Bhoi District-ni Bhoirymbong Block-ni manderang baksa agangrikangaha.
Jeon CM Connect-ni gimin parakatengon, ‘ian adminstration-ko manderangona sepangbatatgen ine janapate, manderangko uamangni neng·nikarangko una aganchina didiangaha, jedakode neng·nikanirango kam ka·na gita man·gen. Chu·gimik kamrangko chang·sao namatna man·jagenoba ka·sinsin namatna jotton ka·gen ine CM aganaha.
Ia bilsi 2024 February jani 15 tariko Chief Minister, CM CONNECT helpline -1971-ko parakataha, jedakode a·dokni manderang an·tangtangni neng·nikarangko jol CM-na u·iatna man·gen.
Umroi-ni MLA Shri Damanbait Lamare, CM Connect-ni gimin manderangna talate on·angaha aro a·dokni namgnina pilakkon apsan ong·e kam ka·china mol·molataha.
Uandake Bhoirymbong Block-ni saksa mande Shri Rangshanbor Kharbihkhiew, CM-na uamangni jolo china neng·nikako chagrongani gimin aganaha. Ua somoion CM, jol dake PHE official-na phone ka·ate, mamlako ta·raken nirokatchina ge·etaha.
Sakgipin Smt. Baiahun Lyngdoh, Lower Primary school-rangna indin on·gipa ki·taprangko man·kujani gimin sing·aha. Una CM, education official-ko sing·ataha aro bi·sarangna nangnika lekka ki·taprangko on·china ge·etaha.
Apsan daken jolni manderang an·tantangni chagronggipa neng·nikarangko CM-na aganangaha. Aro CM, uamangni aganarangko knaangaha.
Uandake CM, Pradhan Mantri Awas Yojana (PMAY) House and Amrit Sarovar, Mawtneng, PM House Lumsohpeing aro dingtang dingtang mamlarangko nipilangaha. Iarangni gisepon Bhoirymbong CHC-o First Referral Unit-ko a·bachengate on·aha.
