Williamnagar: Ma·mongni on·gipa JJM project-ko Williamnagar, East Garo Hills-ni Chikogre-o name tarie on·jani gimin Garo Hills Youth Solidarity (GHYS), Contractor aro Departmental Officer-rangni kosako matnangaha.
A·songo songdonggipa manderangni namgnina indigita namgipa project-rangko ra·gate on·genchim, songni-nokni manderangna namedake tarie on·jani gimin suk ong·gijani parakaha.
GHYS president Endick Marak-ni parakatani gitade, Chiokgre songo chi tank-kon tari, tap gita chi jokbaaba dongja, aro JJM-ni miksongani gita, chu·onga gita tap-rangkoba tari on·a dongja, unbaksana songni nokni manderangni changni chang badi ka·anirangko dakgenchimoba Department authority-rang, Deputy Commissioner, joltangni MLA, PHE Minister darangba maming ja·ku de·ani dongja ineba matnangataha.
Contractor-ni kosako badi ka·genchimba, political-ni gita jak dongani gimin maming be·en saja ineba GHYS matangataha.
Unigimin songni-nokni manderangni neng·nikanirangko namatna gita kamrangko nirokatchina GHYS, sorkariko didiataha.
