TURA: West Garo Hills-o Rajabala Higher Secondary School-o niamgri skigiparangko rakkiani mamlao dolgipin jemangan Robibar salo matnangataniko dakaha aro sing·doaniniko dakanina aganchakaniko man·ana bate sing·anirangna an·pile katenga.
July 2 tariko skulo skigipako rakkina advertise ka·anio ong·gija dake on·aha ine mijamangmang AMMSU-ni president Nur Islam matnangataniko dakaha. Robibar salo AMMSU dilgipani gita apsanko matnangataha.
Mijamangmang Abdur Rup Choudhary, Anti Corruption Foundation of India (ACFI)-ni president ia mamlao an·tangni matnangatgipa ra·galpilaha, aro uni matnanggipa ong·gija ineba talataha. Ua somoio Choudhary-ni gita matnangatako ra·galpilanina ACFI-ni kam ka·ako dondipatchina dabiaha aro uko tangka cha·anio dos donggipa ine songdonggiparang matnangataha.
Robibar salo Islam-ni gita matnanggipako ra·gapilani Meghalaya sorkarini Education department-ni Commissioner aro Secretary-na chittiko seataha.
Matnangataniko ra·galpilaniko darangni ka·mikenatanina ba darangni sinjetani ning·o daka ong·jaenga ine Islam aganangaha.
Matnanggipako ra·galpilani lekkarangko DSEL-na, West Gari Hills-ni Deputy Commissioner aro DSEO Tura-na watataha.
Niamgri skigiparangko rakkiani mamlao matnangatgipa dolgipinrangba ra·gapila
Date:
Share post:
