SHILLONG: A·doko tangka paisani gita neng·nikanirangko man·genchimoba a·doko skigiparangni nangnikanirangko chu·sokatani bidingo Sorkari pilakni gitan cholrangko dakgen.
“Ian altuade ong·ja indiba uamangna baditana dakchakna man·gen, una chinga kam ka·enga. Da·sikari mangmangosan chinga adhoc teacher-ni dormahako nirokataha. Sorkarina agrede, deficit ba adhoc ong·chong, pilak gadangni skigiparangan apsan dormahako man·engaha” ine Education Minister Rakkam A Sangma aganaha.
Education department-o tangka paisani gita baljrimani ong·engoba skigiparangni nangnikaniko chu·sokatna sorkari jotton ka·enga.
“Da·omitingo tangka paisani gita namen baljrimenga indiba chinga pilakni gitan cholrangko niatenga jedakode uamangni neng·nikani aro nangnikanirangko namatna man·gen,” Education minister aganaha.
Dormaha bariatchina, kamrangko regularise ka·china aro dormaharangko on·china gita skigiparangni ramao ong·kate jingjengatanide a·doko ramram ong·pilaia. Indakoba iandakgipa kamrang da·ode bon·aha gitan ong·aijok, basakobasan dongaijok,
Sorkari, iandakgipa mamlarangko da·omiting maidake choliatenga ine sing·anina aganchakengon, bang·a agan-chanchigrikanirangko dakaha aro ia indakarang ong·taitaijana gita bang·arangkon chanchisamsoe kamrangko ka·aha ine Sangma aganaha.
“Sorkari, pilakni gitan cholrangko bikotenga aro service rule-rangko, amendment rules aro skigiparangko kamo ra·ani bidingo drafting-ko daktaienga. Aroba mitam category-rangko ichi-uchi maidake donatna man·gen, uani bidingo chinga chanchienga,’ Sangma agandapaha.
A·doko Skigiparangni neng·nikaniko namatna jotton ka·enga: Edu Min
Date:
Share post: