SHILLONG: KSU, gipin a·dokoni re·bae kam ka·giparangko lekka sandiriktangkuaigen ine agantaiaha. KSU-ni parakani gita, July 17 tarikona Meghalaya-ona mongsongbate East Khasi Hills-ona gipin a·dokoni re·bae kam ka·giparang sak 2500 baten manderangko epic, pancard ba Aadhar donggijako rim·a man·aha.
“A·dok sorkari, ma·mong sorkarini MRSSA, ILP-ko ra·gatanio nirokuengani gimin nichake dongenga. Indiba KSU, an·tangni ka·enggipa kamko ka·kuanggen aro a·dok sorkarina dakchakna gita chinga cholrangko tarigen ine KSU-ni president Lambokstar Marngar aganaha.
Chinga migrant worker-rangni lekkarangko sandirikotangkugen aro sorkariko MRSSA-ko ra·gatna gita sinjentanggen.
Adita salrang skangsan Chief Minister indine aganaha, “Inter-State Migrant Workmen Act-o work permit-na maming provision ba niamrang dongja indiba contractor-rangni kamna rakkigipa labour ba kam ka·giparangko register ka·ani bidingo niam donga.
“Inter-State Migrant Workmen Act 1979-o Work permit -ni bidingo a·dok sorkari, bilsi 2011-o taridapaha.”
Union, a·dok sorkariko nangnika niamrangko ra·gatchina mol·molaha, indiba sorkari ja·ku de·anio ru·utenga, indiba chingade an·tangni kamtangkode dontongjawa, ine KSU aganaha.
July 19 tariko Khasi Students’ Union aro Chief Minister Conrad K Sangma-ko gronge Shillong-o gipin biaponi re·bae kam ka·giparangni lekkarangko sandiani bidingo agangrikangaha. Dolgnini gisepo agangrikani chu·sokjaha.
CM, ‘darangba migrant worker-rangni lekkarangko niamgri sandirikkote dongna man·ja ine aganaha aro iani bidingo ming 10 case-ko segataha. KSU, uamangni kamko ka·angkuna aganaha.
