SHILLONG: A·dokni a·paloni Meghalaya a·dokona, mongsongbate Khasi Hills district-rangona re·bae kam ka·e cha·enggipa manderangoniko KSU memborrangni, lekkarangko sandirikkote doke-sate watani bidingo Chief Minister Conrad K Sangma aro KSU-ni agangrikanio meligrikna man·jani gimin, KSU bebegita uamangni kamrangko ka·angkuaiode, A·dok Sorkariara maidakgipa ja·kurangko de·skagen uko a·dokni manderang nichakenga ine BJP-ni kobor on·timgipa aro police officer gitcham, Mariahom Kharkrang aganaha, jeon KSU-ni daka kamrang niam gita ong·ja ine chief minister jegalskaengachim.
“A·doko indakgipa niamgri kamrangko ka·angaiode, uandakgipa pressure group-rangni kosako Sorkariara maidakgipa ja·kurangko de·skagen, uko saksa songdongpaaigipa ong·e chinga nichakenga,” ua aganaha.
Niamni a·palo kamrangko ka·ahani gimin, uamangni kosako mamlarangko segataiachide indakgipa ong·gija kam ka·anirangko champengjawa, ineba Kharkrang aganaha.
“Niamni kosako kam ka·anirangko champengnade bil gnanggipa chel·chaksoani cholrangko dakna nanggen,” Kharkrang aganaha.
Lekka am·sandigiparangni kosako sorkari mai ja·kuko de·gen: Kharkrang
Date:
Share post:
