SHILLONG: NEEPCO Workers Union, NEEPCO Employees Union, Federatioin of NEEPCO Employees Union dolgittam July 20 tariko NEEPCO Auditorium Shillong-o salsan convention-ko ong·ataha. NEEPCO-o kam ka·giparang North East-oni gimikan Union dolgittamko Trade Union Act-ni section 24-o pangchake bakrimatanio bak ra·tokaha. NEEPCO-ni dolgittam Union, Registerd Trade Union of NEEPCO (RTUN)-ni ning·o dolsa ong·ataha. Shri. Subhash Kumar Roy, Dy. Chief Labour Commissioner (Retd.), convention-o bak ra·aha.
IR department-ba ia dolgittam Union-ni dolsa ong·e bakrimanio dongpaaha.
RTUN Convention-o Minister A.L Hek, mongsonggipa sokachakgipa ong·e bak ra·angaha. Una agreba Padma Shri awardee Smti Patricia Mukhim, Shri. Subhash Kumar Roy, Dy. Chief Labour Commissioner (Retd.), Executive Director (Commercial), Execute Director (HR), NEEPCO-ni a·gipi official-rang, MGCTU & Meghalaya Bank employees Association-ni memborrangba tom·anio bak ra·angaha.
Shri. A. L. Hek, convention-o worker aro employee-rangna aganprakangaha, aro uamangko kamo kimkim ong·e dongchina didiangaha.
Smti. Patricia Mukhim-ba Journalism-ni gimin aganangaha, una agreba worker-rangni chagronggipa neng·nikani bidingoba aganprakangaha.
Uandake NEEPCO Management-ko CSR scheme-ko ra·bachina mol·molaha, jedakode sepangjolo donggipa chiring chibisikrangko rongtalatna man·gen. Kam ka·giparangko samtangtango donggipa chiringrangko rongtale rakkina kam ka·china didiangaha.
