Tura: Itihaso gisik ra·kamgipa gamchatgipa sal Kargil Vijay Diwas-ko West Garo Hills Tura-o 120th Battalion CRPF, maniangaha.
Kargil Vijay Diwas-ko maniani bak gita battalion-ni memborrang Sonibar pringo PA Sangma stadium-ko rongtal-an·talataha.
Pringni 10 bajio battalion-ni commandant Pramod Kumar Singh, CRPF-ni a·songna sichakgipa sipairangko gisik ra·e memorial-o pulko done mande ra·aniko dakangaha. Uni ja·man battalion ning·on plantation drive ba bol bipang ge·aniko dakangaha.
Tom·anio officer, jawann-rang bak ra·angtokaha aro dingtang dingtang kal·susani, barakhana aro cultural night-rangko ong·ataha.
