KSU, MRSSA, ILP-ko ta·raken ra·gatchina gisik ra·attaia

SHILLONG: Khasi Students Union, a·dok sorkariko MRSSA -ni chong·motgipa ba original act-ko ra·gatchina aganaha.
Niatgenchimode a·dok sorkari, adita somoirang skang MRSSA -ko taridapaha jekon Ministry of Home Affairs ra·chakna jechakaha. Uni gimin sorkari, iani bidingo name dake nikuenga.
KSU president Lambok Marngar, Sonibar salo kobor ra·timgiparang baksa agangrikmitingo indine aganaha, “MHA-ni nirokataniko chinga media-osa kobor man·aha, a·dok sorkarini agangipa kattako chinga on·tisaba u·ia dongja.”
“Chinga MRSSA-ni chong·motgipa act-ko ra·gatako nangnika, uni gimin sorkariko iani bidingo mol·molna sika, ine KSU chief aganaha.
Meghalaya Identification, Registration (Safety & Security) of Migrant Workers Rules, 2020-ko mijamomang taridapaniko ra·chake, KSU, niamko ra·gatchina sorkariko mol·molaha ine Marngar aganaha.
“Chinga sorkarini tik ka·aniko ra·chaka indiba sorkariko ta·raken MRSSA aro ILP-ko ra·gatchina aganaha.”
Uandake batanggimin bilsi 2019-on resolution-ko pass ka·omangba da·onan ILP-ko ra·gatna man·-kuenga, ma·mong sorkari ia mamlako nikuenga ine KSU chief aganaha.
Meghalaya-na ILP-ko dabianiara gital katta ong·ja, skang ru·uta somoirangonin iako dabienga.