NIFT Shillong sal 3-na Orientation Programko ong·ata

Shillong: National Institute of Fashion Technology (NIFT), Shillong, July 31 tarikoni August 2 tarikona Undergraduate aro Pos Graduate course-na salgittamna Orientation Programko ong·ataha. Orientation programko ong·atani miksonganira gital student-rangko campus, department, course, facilties, teaching faculty members aro gipinrangni gimin u·iatna gita ong·a. NIFT Shillong-ni Director Shankar Jha, Orientation programko a·bachengatani salo gital student-rangko rimchaksoaha.
NIFT Shillong-o Fashion & Lifestyle Design, Fashion Design, Fashion Communication, Textile-o aro bilsi gnini postgraduate Master of Fashion Management (MFMO program donga. NIFT baksa a·songni dingtang dingtang bakrango dam 19 campus donga.  NE jolo  NIFT Shillong campus ge·sasan songa.
Domicile Category-ni ning·o department ge·antion student-rangna seat-ko chama.
National Institute of Fashion Technology, ian fashion, design aro technoloy-o  skanggipa ba mongsonggipa institute ong·a.