SHILLONG: Sukrobar salo, a·dokni Chief Minister Conrad K Sangma-ni jakchi, Ri Bhoi Organic Farmer Producer Company Limited-ni Organic Spice Industrial Unit-ko rikna gita pangchakaniko Ri Bhoi a·jani Bhoirymbong jolo donggipa Umsli songo songe on·angaha aro ia tom·anio, Umroi-ni MLA Damanbait Lamare, dingtang dingtang official-rang aro Ri Bhoi a·jao game ge·e cha·enggipa manderangba dongpae bak ra·angtokaha.
Ia Organic Spice Industrial Unit-na pangchakaniko songe on·anio a·dokni Chief Minister, jinmana aganprakengon, cha·ani bosturangko nambata damrango palna sim·na man·na gita taridapanio dakchakanirangko on·anian sorkarini mongsonggipa miksongani ong·enga ine parakataha.
A·dokni dingtang dingtang biaprango game ge·e cha·giparangko dakchakna gita sorkari, karkanarangko kulina tangka paisarangko dakchake on·aha ine janapatengon, South Garo Hills a·jao te·brong tariani karkanako kulina gong crore 50-ko chame on·aha, Jaintia Hills-ni Laskein jolrangoba Lakadong holdirangko tang·doatna gita tangka paisarangko chame on·aha aro apsan daken Nongpoh aro West Garo Hills a·jani Tikrikilla-oba iandakgipa karkanarangko kulina tangka paisarangko chame on·aha ine Chief Minister aganaha.
Ia industrial unit-ko rikna gita gimik gong kror 15 tangkarangko chamenga, jeonin gong kror 12-kode sorkarini dingtang dingtang cholrangoniko chame, gong kror 3-kode loan dake ra·enga.
Ri Bhoi a·jao Organic Spice Industrial Unit-na pangchakaniko songa
Date:
Share post:
