SHILLONG: NPP-ni rikdilgipa sorkari, Opposition MLA-rangni kosako mikkang nitee a·jak sokani politics-ko kal·gipasa ine Opposition dilgipa Ronnie V Lyngdoh Sukrobaro matnange aganaha.
A·dokni dal·dalgipa dilgiparang, jedake Capt WA Sangma, BB Lyngdoh, Purno Sangma aro Salseng Marak mang, jemangan an·tangtangni constituency-nasan kam ka·aijaha, indiba a·dok gimikni namroro-silrorognina apsan kamko ka·achim ine gisik ra·ate aganengon, da·oni sorkaride indake ong·ja, mikkang nitee a·jak sokgipa politics-ko kal·e Oppostion MLA-rangnade development scheme-rangko mangba on·na jechakaia ine Lyngdoh aganaha.
“Opposition MLA-rangna development scheme-rangko on·na jechakasan ong·aija, ian constitution-ni manderangni namroro-silrorognina man·gni bilkoba jechaka ga·aka,” ua aganaha.
