TURA: Gitcham Congress dilgipa aro A·dokni gitcham Chief Minister Salseng C Marak sagina Sonibar salo bon·kame mande ra·aniko dakataha. Uni songtong Resulbelpara-on una a·dokni gimikan mande ra·aniko dakataha.
A·dokni dingtang dingtang political dilgiparang, Chief Minister Conrad K Sangma-ko man·gope Resulbelpara-ni Mini Stadium-o tom·dake una mande ra·aniko dakataha.
Salseng C Marak, Meghalaya-ni saksa mingsinggipa dilgipa ong·achim jean meja Sukrobar salo be·enni sabisirangko man·e siaha.
Indake CM, tom·anio aganprakmitingo, gitcham dilgipani siani gimin a·dokna gimaani ine aganaha aro gitcham dilgipa Salseng Marak-ko seng·gipa aro namgipa dilgipa ine janapaha. Salseng sagi, legistor, minister aro chief minsiter ong·e a·dokna dangdike on·angaha aro a·dokni political history-o an·tangna bimingko tariangaha.
“A·doko insurgency-ni somoio ua political-o donge kam ka·angaha.
Indake Chief Minister, Salseng sagiko gisik namgipa, onbegipa aro seng·gipa mande ine gisik ra·aha.
Speaker Thomas A Sangma, Deputy Speaker Thomas D Shira, Education Minister Rakkam A Sangma, Tura MP Saleng A Sangma, Mendipathar MLA Marthon J Sangma, Songsak MLA Mukul M Sangma, bang·a MLAs, MDC-rang tom·anio bak ra·angaha.
Governor CH Vijayashankar-ni paloba pulko donaha. National Flag ba a·songni chinko uni bokos kosako donaha. Salseng Marak sagini manggisiko uni songtong Gajingpara gopramo gopaha.
