Nat’l party-rang, kamtangchin gimaatako man·gen: Mukul

SHLLONG: National party-rangni, an·tangsa an·tang dake bil mesokani a·sel, regional party-rang uamangko dokkol ka·rorogen aro ka·sinsin gimaroroanggen ine Meghalaya gitcham chief minister aro TMC dilgipa, Mukul Sangma agansamsoaha.
National politics-o, BJP aro INC-ni kamrangna manderang, uamangni kamrangchi aganchakengaha ine aganengon, ‘‘INC, BJP-ni ge 400 seat-rangko man·na daarianiko a·song gimikon regional party-rang a·song gimikon dokpengaha, Congress-ba 99-kon batna man·jaha’’ ine Mukul aganaha.
“Anga chanchia, manderangni rai on·aniko pilakan nikaha aro chu·gimik political a·bakuan dingtangjolaha,’’ ua agandapaha.
Ua indakeba a·samsoe aganaha je re·baenggipa bilsirangode ge 453 Lok Sabha seat-rangoniko ge 200-na batpile regional party-rangan a·kangaignok.
“Mikkang changrangode BJP-ba 300-oni 250 dakerangsan man·aigen aro Congress-de regional party-rangni jakkeposa ong·aignok, jeon regional party-rang uamangni bilko bilko mesokaha aro uan a·songna namgni ong·gen,” ua aganaha.
“National party-rangni gaora dakani ka·sinsin indaken gimaangaignok,” ua Sangma aganaha.