SHILLONG: Opposition dilgipa Mukul Sangma, a·doko primary school teacher-na miksonggiparangna cholrangko on·na gita a·doko bang·bate DIET Institute-rangko kulichina agan-ku·pattiaha.
Assembly-o UDP MLA Renikton Lyngdoh Tongkhar-ni sing·anina Nongstoin DIET-ni seat-ko bariatna chanchibewalaniko bakko ra·e Mukul, indine aganaha, “primary teacher-ni kamko ka·na miksonggiparang ba tikkelgiparangna nambata cholrangko on·na nangenga. Iani bidingo chanchina nangenga. A·doko bang·bate ecucational training institute-rangko kulina nanggen.
Uandake VPP MLA Brightstar Marbaniang-ba agangrikanio bakko ra·e, a·dok sorkariko District Institutes of Education and Training (DIET)-ni student-rangna scholarship-ko on·piltaichina agan-kupattiaha.
A·doko donggipa ge 7 DIETs-o ge 70 vacancy- bangbang ong·e dongako gapatchina Marbaniang agandapaha. “Seat-rangko baridapatna nanga beben indiba iana skang bangbang ong·e donggipa vacancy-ko gapatchengna nanga.”
Chief Minister Conrad K Sangma-ni student-rangna scholarship-ko on·na ku·chakani gimin janapataon Marbaniang, indine aganaha, “CM, scholarship-ko on·na aganachim indiba sorkari, mejaomangmang adita salrang skang sorkari scholarship programko mikkangchina ra·angkuna bil dongja ine parakaha. Scholarship programo student-rangna ja 10-na 5,000 tangkako on·achim.
Ia programko a·bachengtaina Marbaniang, sorkariko mol·molaha. Maina ia scholarship bang·a student-rangna dakchakgipa ong·a ine aganaha.
Minggipin student-rangni batch ge·sade second-year-ni scholarship-kon man·kujaenga, uni gimin scholarship-ko on·china mol·molaha.
Iarangni gisepon HSPDP-ni MLA Methodious Dkhar-ba DIET-ni seat ge 50-san dongaia, school aro student-rangde batrikrikenga ine jajrenganiko parakaha.
Uni gimin sorkariko seat-ko ge 100-150-ona baridapatchina aro gipin districte-rangoba gital DIET institute-rangko kulidapchina mol·molangaha.
A·doko bang·bate DIET institute-ko kulichina Mukul agan-kku·pattia
Date:
Share post:
