Ampati: Union Minister of State for Minority Affairs, Fisheries, Animal Husbandry & Dairying, George Kurian, Sonibar salo Meghalaya-ni South West Garo Hills district-ona wenbae dingtang dingtang developmental scheme-ni kamrangko nirokangaha.
Ampati district headquater-ona sokbae Union MoS, distric official-rang baksa DRDA Conference Hall, DC Office, Ampati-o meeting tom·aha. Indake Minister, flagship program-o kam ka·anirango sing·sandiangaha.
Meeting-ko Deputy Commissioner Hema Nayak dilangaha, district officer-rang Union MoS-na welfare scheme-o ka·enggipa kamrangni gimin u·iate on·aha. Scheme-rangko ra·gatanio jolni manderangna baditan namgni ong·a aro scheme-ko ra·gatanio maidakgipa neng·nikarangko chagronga iarangni gimin aganangaha. Union MoS baksa uni Personal Secretary, Dr. Vijay John, Social Welfare Department-ni Secretary Israel Ingty aro gipin official-rang re·bapaaha.
Uandake Union MoS, dingtang dingtantg facility-rangona wene nirokaha aro beneficiary-rang baksa agangrikaha. Union Minister, Belbari Primary Health Centre (PHC)-koba nirokeaha aro medical officer aro staff-rangko grongjolaha. Unoni joljol Monabari Anganwadi Center-ona re·angskae Anganwadi worker aro bi·sarangko grongaha. DC Hema Nayak, Dr Vijay John- uamang baka bol bipang ge·anioba bak ra·aha.
Minister Kurian, Talbari-ni Village Organization (VO) Office-onaba wenangaha jeon Self-Help Groups (SHGs) aro beneficiary-rangko grongaha. Uni ja·man Batajor integrated Fish Farm-ona re·angskaha aro jolni fisheries-ko nirokangaha.
