Saturday, August 30, 2025
spot_img

SSA skulrango skigiparangni dormahako bariatchina dabia

Date:

Share post:

spot_imgspot_img

TURA: SSA skulrango skienggiparangni dormaharangko bariatchina aro kamrangk regularize ka·china dabie All Garo Hills SSA School Teachers Association (AGHSSASTA), a·dokni Chief Minister Conrad Sangma-na sedoattaiaha.

AGHSSASTA-ni parakatani gitade, SSA skulrango skigiparangni dormahako 2008, 2010, 2013 aro 2016 bilsirango bariatahachim indiba 2017 bilsionin da·alona kingking dormaharangko bariattaia dongkujaengachim.

Iani bidingo Chief Minister-na sedoatengon, petrol aro ma·manti nangchongmotgipa bosturangni damrang salantian bariroroengoba skigiparangni dormaharangkode bariatkujaengani a·selan skigiparang, neng·nikanirangko chagrongna nangtokenga ine AGHSSSTA parakataha.

“Mandeni nangchongmotgipa bosturangde salantian dam bariroroenga indiba chingni dormaharangkode 2017 bilsionin bariatchipkujaengani a·sel chinga nokdang chalaianio namen neng·nikanirangko chagrongna nangtokengaha. Uni gimin skigiparangni dormahakoba bariattaichina chinga sorkariko mol·molenga,” ine association-ni dilgiparang parakataha.

Skigiparangni dormahako personal bank account-rangona chipate on·ani, 2016-17 PAB-ni bangki dongenggipa jachetni arrear-rangko aro da·ororo somo gitan dormaharangko ia sorkari on·engahaoba, dormaharangko bariatchipkujaenga ine janapatskaengon, SSA skulrango skigiparangnaba ta·raken dormahako bariatchina aro skigiparangni kamko regularize ka·china gita AGHSSASTA, a·dokni Chief Minister Conrad Sangma-ko didiataha.

spot_imgspot_img

Related articles

Aaranyak announces Grassroots Conservation Awards 2025 

Guwahati, August 30: Premier research-driven and people-oriented biodiversity conservation organization of the region Aaranyak (www.aaranyak.org) has announced Grassroots Conservation...

After successful Japan visit, PM Modi emplanes for China to attend SCO Summit

Tokyo, Aug 30: Prime Minister Narendra Modi on Saturday embarked on his China visit to attend the Shanghai...

Semiconductor sector important in India-Japan cooperation: PM Modi

Tokyo, Aug 30:  Semiconductor is an important sector in the cooperation between India and Japan, said Prime Minister...

Maoists kill another ‘Shikshadoot’ in Chhattisgarh’s Bastar region

Raipur, Aug 30: In another chilling case of violence, Maoists have killed another 'Shikshadoot' identified as Kallu Tati...