SHILLONG: Meghalaya a·doko Jal Jeevan Mission (JJM)-ni kamrangko chu·sokatanio kamrang namja ine bang·en badi ka·anirangko nikna man·engani gimin jakgitelgipa agency-chi iani bidingo sandirokna nangenga ine Opposition dolni dilgipa Mukul Sangma aganaha.
JJM-ni kamrangko chu·sokatanio sorkarini a·kangani aro songo noko ong·enggipa obostarangde namen dingtanggrika ine janapatengon, Meghalaya a·doko aro mongsongbate Garo Hills-ni dingtang dingtang biaprango JJM-ni kamrangko name ka·jani gimin manderangni matnanganirangko Sangma janapataha.
“Jakgitelgipa agency-chi sandirokanirangko dakna nangchongmotenga. Anga an·tangba songadam nokadamrangona re·ange nigen aro JJM-ni website-o seanirang baksa tosusae nigen. Kakketko ma·sie ra·na gita anga bakan dingtang dingtang songrangona wenanggen,” ine Opposition dolni dilgipa aganaha.
JJM-ni bidingo matnanganirangko a·dok sorkaride jegalskaenga ine mesoke on·angskaon, “Ia sorkaride gimik kamrangon jegalanide dongaigen. Uamang website-on sea donga ine aganenga indiba manderangan, noktangtango ong·a obostarangkosa aganskaenga,” ine Sangma aganaha.
Tol·gipa report-rango pangchakesa Meghalaya a·dokna boksisrangko on·aha ine janapatskaengon, JJM-ko a·dok sorkari lekkamangmangosa chu·sokatna nangnikengama ma manderangna dangdike on·anichi chu·sokatna nangnikenga ine Sangma sing·doataha.
Meghalaya a·doko JJM-ni kamrangko ka·ani namsrangjani a·sel manderang neng·nikanirangko chagrongna nangenga ine a·dokni BJP dol, changni chang matnanganirangko dakengachim ine nikna man·a.
JJM-ni bidingo a·dok sorkari tol·gipa report-rangkosa ma·mong sorkarina on·aha ineba BJP matnangengachim.
 |
ReplyForward
|