SHILLONG: Inner Line Permit (ILP)-kon skanggipa donenba, party manifest-o segatgimin mingmingantinan sulsul kam ka·anggen ine Voice of the People Party (VPP) mnisalo ka·dongataniko aganaha.
“Somoi sokjokon anga na·simangna u·iatgen indiba, ian chingni manifesto-o janapgipa agenda-rangoni mingsa ong·a. Chingni manifesto-o ming 24 point-rang gnang aro uarangko nangbatgipaoni sulsul chu·sokatroroanggen,” Shillong MP, Ricky J Syngkon aganaha.
A·doko ILP-ko ra·gatna agangipani kamrang mai ong·angeng ine sing·anina aganchakengon, ia dabianiko be·en pil·atna gita party-ni gita jotton ka·enga ine Syngkon aganaha.
Unomitingo, Meghalayao ILP-ko ra·gatna gita Ma·mong aro A·dok sorkarirang maming ja·ku de·ani dongjani gimin an·tangtangni ILP-ko ra·gataignok ine KSU mikrakatahachim.
“An·ching da·o 2024 bilsio ong·pilengjok, indiba Ma·mong sorkaride skang 2019 bilsio ILP-ni bidingo ra·gatgimin resolution-ko da·onan cheke nikuenga,” KSU president Lambokstarwell Marngar aganaha, chinga a·dokni manderangni dakchakaniko ra·gen aro dingtang dingtang gittim aro songrangona napdrabae songdonggipa manderangko a·rikalanggen, KSU aganahachim.
Indake ong·engon, napdrabaenggipa manderangko champengsona gita tarigimin Meghalaya Residents Safety and Security Act, 2016-ko ra·gatjaengani gimin Union, a·dok sorkarini kosako namnikgijanikoba parakahachim.
