SHILLONG: Meghalaya a·dokni SSA skulrango skigiparangni dormahako bariatchina dabianiko September 30 tarikni gisepo chu·sokatjagenchimode SSA skulrango skigiparang, a·dokni skotong Shillong songjinmao jingjengatna manchie donangaha.
All Meghalaya SSA School Teachers Association (AMSSASTA)-ni parakatani gitade, skigiparangni dormaharangko bariatchina aro skigiparangni kamko regularize ka·china dabie uamang September 30 tarikona sorkarina somoiko on·aha aro ia salni gisepo uamangni dabianiko chu·sokatjagenchimode, Shillong songjinma aro a·dokni dingtang dingtang biaprangoba jingjengatanirangko dakanggen.
SSA skulrango skigiparangni dormahako bariatchina aro skigiparangni kamko regularize ka·china dabie uamang changni chang a·dok sorkarina seanirangchi u·iatahachim aro re·anggipa September-ni 2 tarikoba uamang, a·dokni Chief Minister-na memorandum-ko on·attaiahachim ine janapatengon, da·alona kingkingan skigiparangni dabianiko sorkari knachakjaengani gimin uamang re·baenggipa September 30 tarikni gisepo, uamangni dabianirangko chu·sokatjagenchimode jingjengatna gita a·bachenggnok ine AMSSASTA-ni president Peter Thyrniang parakataha.
“SSA skulrango skigiparangni dormahako bariataoni da·o bilsichet ong·pilaha aro da·alona kingkingan chingni dormaharangko bariatani bidingo sorkari maming aganchakanirangko on·kujaenga,” ine Thyrniang aganaha.
