SHILLONG: NEIGRIHMS-o State Level CNE workshop ong·atako Soni-bar salo matchotangaha. ‘Patient Safety’ -ni bidingo workshop-ko ong·ataha.
Workshop-o dingtang dingtang a·bao kam ka·gipa healthcare professional-rang bak ra·angaha. A·dokoni sak 800 baten nursing delegate-rangba bak ra·aha.
Workshop-ko a·bacheng-atao Mrs. Ridaker Khonglah, Chief Nursing Officer, NEIGRIHMS, rimchaksoani kattarangko aganaha.
Indake NEIGRIHMS-ni Nursing Superintendent Irene A Nongtraw, ‘Improving Diagnosis for patient safety’-ni gimin aganprakangaha. Sabisiko somoi gita rim·na man·aon sagipa mandena baditan dakchakgipa ong·a, iani gimin aganaha.
Workshop-ko NEIGRIHMS-ni Medical Superintendeng Prof. C Daniala special guest ba mongsonggipa sokgipa ong·e bak ra·aha. Aro sagiparangni chelchak-naljokani gimin aga-nangaha.
NEIGRIHMS-ni Director Prof. Nalin Mehta, chief guest ong·e bak ra·aha. Aro tom·anio medical staff-rangni sagiparangko na-matna name dake sannani gimin de·mittelangaha.
Uandake workshop-o Principles of Patient Safety; Communication; Patient Safety practices: Documentation, Consent; Medication safety; Common errors prevention; Safe Transfusion practices; Infection Prevention and Control; Licensure and Incident Reporting and Firefighting – iarangni gimin chanchirimangaha.
