Friday, May 30, 2025
spot_img

Aradonga ramako taripile on·china ACHIK dabia

Date:

Share post:

spot_imgspot_img

TURA: West Khasi Hills a·jani Rambrai-Jyrngam Constituency-ni ning·o donggipa Aradonga songoni Mawkrang songona dakanggipa ramarang namsrangjahani a·sel ia jolrango songdongenggipa manderang neng·nikanirangko chagrongna nangtokenga ine A·chik Conscious Holistically Integrated Krima (ACHIK) parakatenba, ia jolrango songdongenggipa manderangni namgnina ia ramako ta·raken taripile on·china a·dokni Chief Minister Conrad K Sangma-ko didiataha.

ACHIK West Khasi Hills aro ACHIK Krima Council-ko dilenggipa manderangni parakatani gitade, Aradonga-oni Mawkrang-ona dakanggipa ramara salanti re·ruraenggipa jolni manderangnasan mongsonggipa rama ong·aigija ia jolon Mawkrang Picnic Spot dongani gimin dingtang dingtang biaprangoni manderangba ia rama gitan ia biapko nina re·batokengachim.

“Ia ramani obosta da·o namroroangjaengahani a·sel, chel·a biaprangoni ia biapko nina re·baenggipa manderang neng·nikanirangko chagrongna nangtokengaha aro ian ia jolo tourism industry-na nangchakeaniko ra·baskaenga,” ine ACHIK-ni dilgiparang parakataha.

ACHIK dolni parakatani gitade, ia ramao a·kolrara dakahani a·sel ian re·ruraenggipa manderangna neng·nikanirangko ra·baanisan ong·aigija kenchakna nanganikoba ra·baenga aro ia ramao nalarang dongjani a·sel mikkarang waahaode chibolrara dakatenga aro unbaksana ia ramao a·dimurara dakani a·sel ian manderangni an·seng baljokanioba nangchakeanirangko ra·baenga.

Ia ramani obosta namsrangjahani a·selan kilometer 4 ong·gipa ramanan manderang gong 300 parako gamna nangtokenga ine janapatskaengon, ia ramako PWD jako ra·e ta·raken taripile on·china ACHIK dolni dilgiparang didiataha.

spot_imgspot_img

Related articles

Selsella Damalgre sub-station-ko chalaina a·bachengatchina NGO-rang didia

TURA: Selsella Damalgre-o 33 kV-oni 11 KV Control Room (Sub-Station)-ko rikanirang matchotahaoba ia sub-station-ko da·onan chalaina a·bachengkujaenga ine...

Hamas armed wing leader Sinwar dead: Netanyahu

CAIRO, May 29: Israeli Prime Minister Benjamin Netanyahu confirmed the death of Mohammed Sinwar, believed to be the...

No comment from China on weapons used by Pakistan

BEIJING, May 29: The Chinese military declined to comment on the performance of China-made weapons used by Pakistan...

Police, Taliban militants killed in PoK clash

Islamabad, May 29: At last two police officers and four Taliban militants were killed in an overnight shootout...