SHILLONG: Gambegre bypoll-na tarikko on·na skangan a·dok sorkari, da·onin an·tangni namgnina gimik sorkari machineries-ko jakkalengjok ine state Congress aganaha.
“Election-na tarikko parakata dongkuja. Bypoll-na sorkari, machineries-ko jakkalsretronga, apsankon da·o an·ching nikna man·enga, sorkari by-poll-na tarikko parakatna skangan sorkarini machineries-ko an·tangni namgnina jakkalsoengjok ine MPCC chief Vincet Pala, Gambegre bypool-ni gimin aganaha.
Iarangni gisepon Pala, Gambegre by poll-o state Congress dolsan ong·e susagen ine parakatgaha.
Uandake NPP-ko matnangani gimin bakrimgipa BJP, NPP-na chakpaaniko on·e Congress-ni matnangako kakket ong·ja ine aganchakataha. Uandake Congress, Meghalaya Democratic Alliance-o bakrimgiparangnasa NPP, namgnirangko sandie on·a ine matnangkuaha.
Uandake Congress, Gambegre by poll aro Autonomous District Council Poll-na tarisamsoaniko parakataha. Aro block -ni dilgiparangko uamangni namnikgipa candidate-rangni bimingko on·china aganataha.
“Party-o gital bilrang donga, bang·arangan ching baksa bakrimaha aro chinga grassroot ba a·bachengaonin kam ka·enga aro party-ko bilakatna kam ka·enga. Rasong grie mitam dilgiparang beben party-oni ong·kataha indiba chinga party-ko tangchapilatna kam ka·enga ine Pala aganaha.
Party ticket-ko state Congress-na higher committee-san on·ronga indiba da·ode block-oni gita candidate-rangko seokna aganataha. Uamang candidate-ko basena man·jaosa MPCC level-ni gita nirokatgen.
Minggipin Congress-ko TMC baksa kam ka·rimani gimin kobor jangani gimin sing·aona Pala indine aganaha, “chingko opposition- dongna gita manderangsan cholko on·aha. Beben Assembly-o chinga apsan bidingrango sing·anirangko sing·doa, ian a·dokni manderangni namgninasa sing·anriangko sing·a indiba ian apsan kam ka·rima ine ong·ja.”
