TURA: Adita salrangna skang Tura-ni College of Community Science (CCS)-ni ning·o donggipa Family Resource Management Department, Green Consumer Day-ko maniani bak gita awareness program-ko ong·atangaha.
Ia program-ko Tura CCS-ni Dean Prof Jyoti V Vastrad dilangaha aro ia awareness program-ko manderangni jakkale galgimin jabolrangko jakkalpiltaiani bidingo manderangna u·iatna gita ong·atangaha.
Ia awareness program-ko ong·atanio Karnataka a·doko donggipa Bengaluru songjinmaoni Scientist (E) aro Additional Director PK Selvi baksana Narayana Health, HRD, Health Care Policy-ni Program Manager Nagaraja Pani, dingtang dingtang katta bichongrangni gimin college-ni chatrirangna agan-talate on·angaha.
Ia program-ko ong·atani bak gita dingtangmancha jabolrangoniko ma·manti bostu tarisusaanikoba college-ni chatrirangna ong·atangaha.
