AMPATI/RESUBELPARA: South West Garo Hills a·jani Betasing C&RD Block ning·o donggipa Jelbongpara songo aro North Garo Hills, Resubelpara Block-ni ning·ogipa Radi songo Eklavya Model Residential School (EMRS)-ko rikna gita Butbar salo, A·songni Prime Minister Narendra Modi, internet gita pangchakaniko songe on·ataha.
Tribal-rangna skul nokrangko rike on·na ma·mong sorkarini kam ka·ani bak gita Budbar salo a·songni Prime Minister Narendra Modi, dam 40 EMRS-rangko kulie on·angenba, gong kror 2800 ong·gipa dam 25 EMRS-rangko rikna Jharkhand a·dokni Hazaribagh-oni internet gita pangchakanirangko songe on·ataha aro ia EMRS-rangoni damsade Jelbongpara songo ong·enga.
Prime Minister-ni internet gita pangchakaniko songe on·aniko Ampati-ni DRDA Conference Hall-o video conference gita mesoke on·angaha aro ia tom·anio, SWGH a·jani Additional Deputy Commissioner (ADC) Dr Rezina Ch Marak, ADC Dr WCR Marak, Betasing C&RD Block-ni BDO CRN Sangma, Zikzak Block-ni BDO D Hajong, Purakhasia-ni BDO AK Marak, Jelbongpara-ni Nokma Donald Ch Sangma, Education department-ni official-ragng, dingtang dingtang department-ni official-rang aro chatro chatrirangba bak ra·angtokaha.
Ia tom·aniko ong·atanio, EMRS Meghalaya-ni Project Coordinator, MANIDCO Ltd-ni Sarjit Ch, Jelbongpara EMRS-ni Contractor Samson Thoho aro gipinrangba dongpae bak ra·angaha.
