TURA: North Tura constituency-ni gitcham MLA Noverfield R Marak, ru·uta salrangna saaniko man·ani ja·man Sukrobar attamo a·gilsakko watangaha. Ua bilsi 72 gapangaha.
A·gilsakko watanggipa Marak sagi, 2013 bilsini Assembly election-o Congress tikitchi susaenba seokako man·ahachim aro ua somoio a·dokni gitcham Chief Minister Mukul Sangma-ni sorkario, Parliamentary Secretary-na seokako man·ahachim.
2018 bilsini Assembly election-ode ua NPP-ni Thomas A Sangma-ni jako amako man·rikskaaha aro uni ja·man ua Mukul Sangma-ni dilanichi Trinamool Congress (TMC)-o napangskaaha.
Politics-ni kamrangko ka·na skang Marak sagi, sorkarini kamrangko ka·gipa ong·e Transport department-o District Transport Officer (DTO)-ni kamkoba ka·angaha.
Ia bilsio ua saaniko man·e politics-ni kamrangko dontongna nangaha aro indita jarangna saaniko man·enba Sukrobar salo, an·tangni ka·sabegipa nokdang, noksulrang, Mahari-Ma·drangrangko wate jringjrotna neng·takna gita rimangsoako man·aha.
